Dä Horgebergler Chlaus…

Zu minere Person:

Min Name isch Phil Cremer und ich bin uf em Horgeberg dihei.  Als Chlaus bin ich scho bald 30 Jahr mit grosser Liidäschaft underwägs…

Früehner mal da, mal döt für en Verein… dän immer meh für d’Chind vo Fründä und irgendwän häts sich umägsprochä so das ich siit em 2010 im grössere Stil underwägs bin. 

Mir isch es sehr wichtig, das ich als Samichlaus i minere Chlauschuttä (kein Bischof) bi dä Chind gueti Erinnerigä hinderlahne…

Ich legä sehr viel Wert druf, das d’Figur Chlaus ziit- und altersgerecht überechunnt. D’Chind sölled so lang an Chlaus dörfä glaubä wies für sie stimmt und wenn ich öpis dezue chan biiträge das die Chinderaugä glänzed, dän freut mich das umso meh.

Ich han mir vorgna, solang na dä Chlaus z’mache wien ich Spass han und guete Feedback bechume… drum nimm ich mir für jede Bsuech au gnueg Ziit zum mich vorbereite, im Gegenzug wünsch ich mir, dass ihr eui au Ziit nämed für d’Notize und d’Bemerkigä/Wünsch, wiä dä Chlausbsuech söll ablaufe…

So… gnueg vo mir, ich freu mich scho druf wenns heisst:

                                 Dä Chlaus chunnd… au zu Dir!

Chlausigi Grüess

Chlaus Phil